Открой для себя Татарстан
Муса Джалиль — великий поэт, чья жизнь и творчество полны ярких и важных событий. Его биография пестрит эпизодами, отражающими его талант и героизм, который он проявил в сложные и тяжелые времена. И я вижу в его истории множество оптимистических моментов, которые могут вдохновить и подтолкнуть людей к активной и творческой жизни.
Сочинение на татарском языке на тему “Киләчәк бүгеннән башлана”/”Килэчэк бугеннэн башлана”
Киләчәк ул − без, яшьләр. Берничә елдан яки берничә дистә еллардан илебез белән нәкъ менә без идарә итә башлаячакбыз. Димәк, илебезнең киләчәге дә безнең моңа ни дәрәҗәдә әзер булуыбызга бәйле дигән сүз.
Әлбәттә, минем белән бик күпләр килешмәскә дә мөмкин, шулай да әйтеп китим әле: миңа безнең киләчәгебез бик тә томанлы, караңгы булып күренә бит. Ни өченме? Чөнки күпчелек яшьтәшләрем, дусларым үзләренең киләчәкләре турында бер дә уйланмыйлар, ә илнең киләчәге турында уйланалар дип бөтенләй дә әйтеп булмый. Аларны сәясәт тә, югары сәнгать тә, әхлаклылык та борчымый, хәтта ул турыда уйлап та карамыйлар. Аларны бары бер генә нәрсә − кайда күбрәк акча эшләп булуы гына кызыксындыра. Таныш егетләрнең күпчелеге престижлы уку йортына укырга керү, яхшы машинада йөрү, әти-әни җилкәсендә мөмкин кадәр озаграк утыру турында гына хыялланалар. Менә аларның бөтен уйлары һәм киләчәккә максатлары.
Шекспирның “булыргамы, булмаскамы” дигән фәлсәфәсе яшьтәшләрем өчен бөтенләй дә ят. Күршенекеннән зуррак һәм калынрак булган һәм евролар белән шыплап тутырылган акча букчасына ия булу кебек бердәнбер теләк янында фәлсәфи фикерләрнең күпчелеге бөтенләй дә югалып кала. Кая ул мәхәббәт, матурлык, әхлак, кайгы уртаклашу кебек сыйфатлар?! “Болар − акыллыбашларның фантазиясе”. Күпчелек яшүсмерләр нәкъ менә шулай уйлыйлар бит. Ә олылар бу хәлне күрмәмешкә салышалар.
Белмим, мин бәлки алдагы тормышыбызны күзаллавымда артык таләпчәнмендер, әмма тормыш бит ул, гадәттә, без уйлаганнан да кырысрак. Реаль чынбарлык уй-фикерләрдән уннарча, йөзләрчә тапкыр ямьсезрәк һәм караңгырак була бит. Киләчәк бүгеннән башлана, ләкин хәзергә әле мин шул бүгеннән башланган киләчәккә моннан да артык оптимизм белән карый алмыйм.Еще сочинения на татарском языке со схожей к “Килэчэк бугеннэн башлана” тематикой (перейти к сборнику татарских сочинений нашего сайта)
Изложение на татарском языке на тему “бер хәзинә”
Бер карт игенче гомеренең актык көннәрендә балаларын янына чакырып әйтте:
— Балаларым! Басуыбызның эчендә бер хәзинә бар. Әмма кай җиренә күмелгән икәнен белә алмадым. Мин үлгәннән соң, вакыт әрәм итми, басуыбызга барыгыз, һәр җирен казып актарыгыз. Әгәр тапсагыз, ул хәзинә гомерегез буенча тотсагыз да бетмәс һәм сезне берәүгә дә мохтаҗ итмәс. Атадан балага мирас кала килгән бу басуны, сак булыгыз, сата күрмәгез, чөнки, бердән, киләчәктәге балаларыгызга хыянәт иткән буласыз, икенчедән, эчендәге хәзинә кулыгыздан ычкыныр.
Әүвәл заманда бер авылда бер кеше булган. Аның өч улы бар икән.
Бер көнне аталары улларын чакырып китерә дә әйтә:
– Улларым, мин үләрмен, мин үлгәч, сезгә монда торырга туры килмәс, читкә китәргә туры килер, – ди.
Бер кылыч биреп калдыра ул аларга.
Шуннан: – Өчегез бергә ятып йокламагыз, икегез йоклаганда, берегез карап торыгыз, – ди.
Сочинение на татарском языке на тему “Рәнҗеш”/”Рэнжеш”Кемгәдер начарлык эшләсәң, җаның тынычлык тапмаячак яки ул кешенең рәнҗеше дә төшәргә мөмкин. Борынгылар: “Кеше рәнҗетүдән сак булыгыз. Рәнҗеш, каргыш кебек ул, төшә”, − дигәннәр. Рәнҗеш төшү ул − кемне дә булса рәнҗеткән, кимсеткән кешенең берәр төрле бәла-каза күрүе, авырлыкларга дучар булуы.
Начар гамәл кылу гөнаһ санала. Ә кеше, бу дөньяда, я булмаса мәңгелек йортына күчкәч, гөнаһлары өчен, иртәме-соңмы җавап тотачак, һәрберебез игелекле гамәлләр кылырга, саваплы эшләр башкарырга гына омтылсак иде.
Безнең татар халкыңда “Кешегә чокыр казыма, үзең төшәрсең” дигән мәкаль бар. Шуңа күрә кешене рәнҗетмәскә кирәк. Коръәндә дә кешене рәнҗетү, кимсетү зур гөнаһ санала. Ә гөнаһлы кеше гомере буе вөҗдан газабы кичерә.
Изложение на татарском языке на тему “табигатьтә яңалыклар”
Март ахыры якынлашкач, беренче зур яңалык шул булды: кычыткан күбәләге оча башлады. Кирпеч төсле кызыл күбәләк. Шул кызыл өстендә вак кара таплар күренә. Юка канатлары читеннән кара кайма киткән, ә каймага зәңгәр таплар тезелгән. Күбәләк суыкны агач ярыгында уздырган һәм яз җиткәч уянган.
Сочинение на татарском языке на тему “Нәүрүз”/”Науруз”Нәүрүз − төрки халыкларның кышны озату, язны каршылау бәйрәме. Ул 21-22 мартта уза. «Нәүрүз» сүзе фарсы теленнән алынган. Ул «яңа көн» дигәнне аңлата. Бу бәйрәм көн белән төн тигезләшкән чорга туры килә. Урта, Кече Азия илләрендә 21 нче мартта Яңа елны каршылыйлар. Иран, Әфганстан һәм башка кайбер илләрдә ул дәүләт бәйрәме итеп кабул ителгән. Биредә ул язны каршылап, язгы кыр эшләре алдыннан үткәрелә торган халык бәйрәменә әйләнгән.
Нәүрүзне безнең халкыбыз да бәйрәм итә. Бу көнне балалар йорттан йортка кереп, «нәүрүз әйтеп» йөргәннәр. Нәүрүз такмагын әйтеп, алар хуҗаларга бәхет, уңыш теләгәннәр. Хуҗалар исә балаларга бүләкләр әзерләгәннәр: нәүрүз боткасы өчен ярма, йомырка, май биргәннәр. Аннан бөтен авыл халкы нәүрүз боткасына җыелган, бәйрәм иткән.
Шулай итеп безнең халкыбыз ял да итә белгән, тырышып эшләгән дә.Еще сочинения на татарском языке со схожей к “Науруз” тематикой (перейти к сборнику татарских сочинений нашего сайта)
Изложение на татарском языке на тему «яз килә»
Кояш көннән-көн югарырак күтәрелә бара. Кыш көннәрендә бик аз күренеп, анда да бик саран елмаюының үзенә күрә бер сере булган икән: нурларын да, елмаюларын да язга саклаган ул. Хәзер исә, кошлар җырына өртеп, алтын нурларын кочагы-кочагы белән сибә. Ял итеп алган араларда көмеш энәләре белән ак карлардан бизәкләренә бер карауда гына төшенә дә алмаслык әллә нинди хикмәтле челтәрләр дә бәйләргә онытмый ул. Керләнгән челтәрләрен йөгерек гөрләвекләрдә чайкый. Ә гөрләвекләр, җемелдәшә-җемелдошә, күз кысып, үзара пышылдашып алалар да. челтер-челтер көлешә-көлешә, ул челтәрләрне эләктереп, елгага йөгерәләр. Кыш, хәйләләп, җирдә озаграк калырга, төрле һөнәр күрсәтеп, кояшны кызыктырырга, игътибарын читкә тартырга тырыша, бөтен осталыгын шуна җигә. Көндезләрен аяк астына зәңгәр һава булып җәелгән, төпсез диңгез сыман башларны әйләндерә торган күлдәвекләрне көзгегә әверелдерә ул, өй кыекларына бәллүр чуклар тезә. Иртән, кояш балкып чыгуга, көзгеләр дә. бәллүр сөңгеләр дә әкияттәге сыман меңләгән төсләргә кереп җемелдәшә башлый. Кыш тантаначы кыяфәт белән кояшка төбәлә: «Күр,— янәсе.— мин сиңа нинди бүләк әзерләдем! Ьу кадәрле бизәкне кайчан күрер, каян табар идең әле!» Кояш та хәйләкәр. Балкып елмайган була да, күлдәвек көзгеләргә багып, иреннәрен кызарга, алсуланган йөзенә кершән төшерә, каш-керфекләрсн төзәтеп, чәчләрен бөдрәли. Аннан соң. йөзенә ифрат гаҗәпләнү галәмәтләре чыгарып, бәллүр чукларны тагын бер тапкыр сыйпап ала да, югарыга үрләп. яларга яно учлап-учлап җылы нурларын сибә башлый. Кышның төне буе түккән хезмәтен әнә шулай юкка чыгара ла куя кояш: иң әүвәл бәллүр чуклар очына күз яшедәй тамчылар эленә, анкан соң ул чуклар, нечкәргәннән-нечкәрә барып, су җепләренә әверелә. Яз килә… (237 сүз)
Сочинение на татарском языке на тему “Урман җәнлекләре”/”Урман жэнлеклэре”Безнең як урманнарында керпеләр, куяннар, төлкеләр, тиеннәр яши.
Керпе − бик чәнечкеле җәнлек. Аның бөтен тәне энәләрдән тора. Ул гөмбәләр, алмалар ярата. Аларны, кышка хәзерләп, җир астына күмеп куя. Керпе, ерткыч җәнлекләрдән сакланыр өчен, түгәрәк шар формасын ала. Ул еланнардан да курыкмый. Еланнарның башларына ташлана. Керпе сукыр тычканнар белән дә туклана. Ул үзенең балаларын бик ярата.
Куяннар ике төрле була: йорт куяннары һәм кыр куяннары. Йорт куяннарын ит, тире һәм мамык өчен үстерәләр. Куян ите − бик файдалы диетик ризык, ә мамыгыннан шәлләр, бияләйләр бәйлиләр. Кыр куяннары кышын ак, ә җәен соры төскә керәләр. Бу аларга дошманнарыннан качарга ярдәм итә. Чөнки куяннар бик куркаклар. Алар йоклаганда да бер күзен ачып, берсен йомып йоклыйлар икән.
Хәйләкәр төлкене без әкиятләрдән, җырлардан, табышмаклардан ишетеп беләбез. Анда ул акыллы, чая, хәйләкәр. Ул бик кызыксынучан. Төлке бик яхшы ишетә. Ул кырларда, урманнарда яши. Кырда кыр тычканнары белән туклана. Ул шулай кешеләргә файда да китерә. Чөнки тычканнар кырдагы ашлыкны ашый. Төлке тагын бакаларны, вак кошларны ашый. Җәй көне үсемлекләр белән дә туклана. Урман-кырларда ризык җитмәсә, авылга килеп тавык, үрдәкләрне дә алып китәргә мөмкин.Төлке матур җанвар, купшы киенгән. Туны җылы, матур һәм калын.
Урман җәнлекләре елдан-ел азаеп бара. Аларны сакларга кирәк!Еще сочинения на татарском языке со схожей к “Урман жэнлеклэре” тематикой (перейти к сборнику татарских сочинений нашего сайта)
Изложение на татарском языке на тему “Әллүки”/”Эллуки”Ул кичне фронттан аеруча күңелсез хәбәр килде.
Күземә йокы кермәде. Ниндидер ташландык бер сарайда бөркүдән һәм авыр уйлардан йоклый алмый газапланып ятканнан соң, урамга чыктым. Урам буш һәм тын иде. Үз-үземне кая куярга белмичә, ачынып, тротуар буйлап киттем. Патрульләр, берничә мәртәбә туктатып, пропуск сорады.